கண்ணாடி

தினமும் பார்த்தாலும்
திரும்பப்  திரும்பப் பார்க்கிறேன்...
உன்னை எங்கேனும்
ஒளித்து வைத்துள்ளதா என்று
நீ உன் அழகுகளைக் கொட்டிச்சென்ற
என் வீட்டுக் கண்ணாடியில்..

காதல் மொழி

காதலை வெளிப்படுத்துவதில்
உனக்கும் எனக்கும்
ஒரே ஒரு வித்தியாசம்தான்...

எனக்குக் கவிதை...
உனக்கு வெட்கம்...

ஆனாலும் உன்னை வெல்ல
முயன்று ஒவ்வொரு முறையும்
தோற்கிறேன் உன் வெட்கத்தில்....