நீ எங்கேயோ இருக்கிறாய்

எட்டிப்பார்த்து
இம்சிக்கிறாய்

திரும்பிப்பார்த்து
தவிக்கவிடுகிறாய்

கடந்துசென்று
கொல்கிறாய்

சிறு புன்னைகையில்
சிதறடிக்கிறாய்

கண் அசைவில்
கலவரம் செய்கின்றாய்

இவ்வனைத்தையும்
எங்கிருந்தோ செய்யும்
வித்தையை
எங்கிருந்து கற்றாய்...

நீ எங்கேயோ
இருக்கிறாய்..

வாழ்க்கை

சொந்த ஊருக்கு செல்வதிலேயும்
சென்று வந்தபின்
திரும்ப செல்லும் நாட்களை
கணக்கிடுவதிலேயும்
கழிந்துவிடுகின்றன
வாழ்க்கை...!!!

ஆனாலும்
பேருந்தோ புகைவண்டியோ
பிடிக்க ஓடும் தருணங்களிலும்
திரும்பும் வேளையிலும்
தொண்டையில் ஏற்படும்
சொல்ல முடியாத சோகத்திலும்
கண்ணோரம் வழியும் கண்ணீரிலும்
உணர்கிறேன் வாழ்க்கையின்
ஆனந்தங்களை....!!!

நினைவுகள்

நண்பன் வந்து
தோளைத் தட்டியே பின்பே
தெரிகிறது...
நான் பேசிக்கொண்டிருப்பது
உன்னுடன் அல்ல
உன் நினைவுகளுடன் என்று...