புத்தாண்டு

இதோ எல்லோரும்
கிளம்பிவிட்டார்கள்
புத்தாண்டை கொண்டாட...
நான் மட்டும் காத்திருக்கிறேன்
உனக்காக...
அது எத்தனை ஆண்டுகள்
கழித்தே ஆயினும்....!!!

அலறல்

அடுத்த பெண்ணை
பார்க்கையில்
அய்யய்யோ என்று
அடிமனம் அலறுதடி...
எங்கேயோ
நீ என்னைத் திட்டுகிறாய்
என்று புலம்புதடி...!!!

கூலி

கரும்பு தின்ன கூலியா...???
ஆம்!
என் காதலை ரசிக்க
உனக்கு என் கவிதை...!!!

பரிசு

உனக்காக நான் தாஜ்மஹால்
தர விரும்பவில்லை
அது இறந்த காதலின் அடையாளம்..!!!
என் இதயத்தைத் தருகிறேன்
இது உண்மையான அன்பின் உருவாக்கம்...!!!

கேள்வி - பதில்

ஏன் கவிதை எழுதுகிறேன்
என்ற கேள்விக்கு
பதிலைத் தேடினால்
அதுவும் ஒரு கவிதையாய் நின்றது...
அது உன் பெயரே என்றது...!!!

காதல்

திருமணம் ஆன புதிதில்
உன் மீது நான் வைத்திருக்கும்
அன்பை எண்ணிப் பெருமிதம் கொள்வாய்...

ஆனால் இது எத்தனை நாள் நீடிக்கும்
என்று கவலைப்படுவாய்...

அடி பெண்ணே....!!!!
உனக்கு எப்படி புரிய வைப்பேன்????

கொடுத்தவுடன் நிறைந்து விட
இது காமம் இல்லையடி காதல் என்று...

தருணம்

ஓர் ஆண்
வாழ்வினில்
மிகச்சிறந்த தருணம்...
அவன் தோள் சாய்ந்து
ஒரு தேவதை
உறங்கும் நேரம்.....

முதல் பேச்சு

நீ யார் என தெரிந்த உடன்
உனைப் பார்க்கும்
ஆசையை விட
உன்னைத் திட்டும்
எண்ணம் தான்
அதிகமாக உள்ளது...
இத்தனை நாள் எங்கே இருந்தாய்???

பிச்சைக்காரர்கள்

எங்கள் ஊரில்
காசு இல்லாததால்
பிச்சைக்காரர்களாக
இருகிறார்கள் சிலர்...

இங்கே...
காசு இருந்தும்
பிச்சைக்காரர்களாக
இருகிறார்கள் பலர்...

ஆடை விஷயத்தில்...

அழகு

அவள் அழகாக இருக்கிறாளா
என்று தெரியாது..
ஆனால் அவள் அழகாகத்
தெரிகிறாள்..
உணர்கிறேன் அவள் தொடுதலில்...

என் மனம்

நேற்று வரை உன்னிடம்
இருந்த என் மனதை
இன்று தெருவில் எறிந்தாய்...

பந்து விளையாடும் குழந்தை போல
கை கொட்டிச் சிரிக்கிறாய்
உன்னிடம் இருந்த காரணத்தினால்
அதுவும் சிரிக்கிறது
என்னைப் பார்த்து...

உள்ளுக்குள் அழுதுகொண்டே
என்னைப்போல...!!!

பார்வை

நான் எப்பொழுதும்
தாமதமாகவே
வருகிறேன்...
நான் நுழையும்போது
என்னை நீ நிமிர்ந்து
பார்க்கிறாய் என்பதால்....!!!

உனக்காக

பிறப்பென்றால்
முன் பிறப்பேன்...

இறப்பென்றால்
பின் இறப்பேன்...

இடையில்
காத்திருப்பேன்
உன்னைக் காத்து இருக்க...

காத்திருக்கிறேன்

நான் உன்னை
காதலிக்கிறேன்
என்கிறார்கள்

அவர்களுக்கு
எப்படித் தெரியும்
நான்தான் உன்னோடு
வாழ்ந்து கொண்டிருகிறேனே
நீ இல்லாமலே...

இந்த வாழ்வை
முழுமையைக்க
காத்திருக்கிறேன்
உனக்காக...

வரம்

மழலை வரம்
கேட்கும்
மடந்தை போல
உன்னைக் காணும்
வரம் கேட்கிறேன்
நான்....

பெண்

பெண்கள் எப்பொழுதும்
அழகுதான்..
ஏன் என்றால்
பொய் எப்பொழுதும்
அழகாகத்தான் இருக்கும்...

கண்ணீர்

என் வாழ்வில்
நீ அறிமுகம் ஆகும் பொழுது
உன்னை வரவேற்ற துளிகள்
நீ போகும்
இந்நேரம் மட்டும்
ஏன் வழியனுப்ப
மறுக்கின்றன?????

குழப்பம்

ஒவ்வொரு நொடியும்
பிறக்கின்றோம்...
ஒவ்வொரு நொடியும்
இறக்கின்றோம்...
நீ எனை கடக்கும்
இந்த நொடி
பிறப்பா இறப்பா
தெரியவில்லை...!!!

இடம்

பார்க்கும் பார்வையும்,
பளிச்சிடும் சிரிப்பும்
அர்த்தம் நூறு தந்தால்
பேசுவதற்கு இடம் எங்கே???

வலி

நீ தரும்
வலிகளை விட
நீ பெரும்
வலிகளே
என்னை
வலிக்கச்செய்கின்றன...
என்னை
அழச்செய்கின்றன...

தொடுவானம்

காத்திருந்து காத்திருந்து
வழித்தடங்கள் மாறி செல்லும்
பயணி அல்ல...

எதை கொடுத்தாலும்
சமாதனம் அடையும்
அழும் குழந்தை அல்ல...

வான் மழை வேண்டி நின்று
வாய்க்கால் நீரை
ஏற்றுக் கொள்ளும்
வயல் அல்ல...

தேடும் போது கிடைக்காத
சொற்களை தவிர்த்து
செல்லும் கவிஞன் அல்ல...

தொடுகிறாய் என்ற நினைவில்
தொடுவாய் என்ற கனவில்
தொடாமல் தொட்டு வாழும்
தொடுவானம் நான்...

எதிர்பார்ப்பு

ஒரு ரூபாய் நாணயத்தை
உண்டியலில் போட்டு விட்டு
ஓராயிரம் வரம் கேட்கும்...
மனிதன் மனம்.