கனவு

நீயோ
கனவாகவே
இருக்கின்றாய்...
ஆனால் எந்த கனவும்
உன்போல்
இனிமையாய்
இருப்பதில்லை....

மொழி பெயர்ப்பு

எந்த மொழியையும் மாற்றம்
செய்யும் கூகிள் கூட
வெட்கி தலை குனிகிறது
உன் மௌன மொழியை
பெயர்க்க முடியாமல்...

வெளிநடப்பு

உன்னைப்பற்றிய சிந்தனைகளை
வெளியே வைத்துவிட்டு
உன்னைப்பற்றி ஒரு கவிதை
எழுத நினைக்கின்றேன்...
ஆனால் வார்த்தைகளோ
உனக்காக வெளிநடப்பு செய்கின்றன...

உலகம்

உலகத்தின் அத்தனை
ஓரங்களிலும்
ஓடிச் சென்று பார்க்கிறேன்
எங்கும் நீயே நிற்கிறாய்....
பிறகுதான் புரிந்தது
உன்னையே
சுற்றிக்கொண்டிருக்கிறேன் என்று....