தொடுவானம்

காத்திருந்து காத்திருந்து
வழித்தடங்கள் மாறி செல்லும்
பயணி அல்ல...

எதை கொடுத்தாலும்
சமாதனம் அடையும்
அழும் குழந்தை அல்ல...

வான் மழை வேண்டி நின்று
வாய்க்கால் நீரை
ஏற்றுக் கொள்ளும்
வயல் அல்ல...

தேடும் போது கிடைக்காத
சொற்களை தவிர்த்து
செல்லும் கவிஞன் அல்ல...

தொடுகிறாய் என்ற நினைவில்
தொடுவாய் என்ற கனவில்
தொடாமல் தொட்டு வாழும்
தொடுவானம் நான்...

எதிர்பார்ப்பு

ஒரு ரூபாய் நாணயத்தை
உண்டியலில் போட்டு விட்டு
ஓராயிரம் வரம் கேட்கும்...
மனிதன் மனம்.