மிட்டாய்க்காரி

மிட்டாயில் கடிகாரம் செய்து
கையில் கட்டும் வரையிலும்

மீசை செய்து மேல் உதட்டில்
ஓட்டும் வரையிலும்

வாய் பிளந்து
இமைக்க மறந்து
ஜவ்வு மிட்டாய்க்காரனை
வேடிக்கைப் பார்க்கும்
சிறாரைப் போன்று
வேடிக்கைப் பார்க்கிறேன் உன்னை....
நீ ஒவ்வொரு முறையும்
சேலை கட்டுகையில்...

கடைசியாக அவன்
கன்னத்தில் ஓட்டும்
பிசிருக்காக காத்திருந்ததைப் போல
புளங்காகிதம் அடைகிறேன்
நீ கட்டி முடித்து
என் தலையில்
கொட்டுகையில்...!!!!